viernes, 25 de mayo de 2018

Imos de concerto!

                               
                                        

Así de contentos fomos ao concerto de Pablo Díaz, na Senra, invitados polo Concello de Bergondo, para celebrar o día das Letras Galegas. Entregouse o premio do concurso de marcapáxinas a Sofía, a nena gañadora, da escola de Guísamo. Noraboa!!!
A nós, por participar, agasalláronnos cun libro.
E como ben di Pablo Díaz: "un libro está sempre comigo e así pode ser o meu amigo!"

                       




Pasámolo moi ben cantando e bailando con Pablo!!

domingo, 20 de mayo de 2018

A Torre de Hércules, A Coruña.

                               

Tivemos un día fantástico para visitar un auténtico faro romano, a Torre de Hércules. É o faro máis antigo do mundo en funcionamento e Patrimonio da Humanidade. Contáronnos a lenda de Hércules e Xerión e ensináronnos a parte baixa onde están feitas excavacións que deixan á vista algúns dos seus cimentos. 
Tivemos un ratiño para disfrutar da marabillosa paixase, xogar na Rosa dos Ventos e, por suposto, tomar un petisco que nos soubo a gloria!







Visita á escola de Protección Civil.

Como cada curso recibimos na escola a visita de Protección Civil de Bergondo, que sempre nos recordan consellos e boas prácticas para saber actuar correctamente nalgunhas situacións. Ademáis de conversar con todos eles, practicamos a RCP e vimos o camión que tanto nos gusta. Mesmo fomos bombeiros!!! 






Coma sempre, foi una visita moi interesante. Moitas grazas!!!

jueves, 19 de abril de 2018

Concerto de clarinete.




Onte tivemos a sorte de contar coa visita do papá de Candela, músico e clarinetista que trouxo o seu clarinete para deleitarnos co seu son e descubrir este intrumento musical en vivo e en directo. Non só tocou música para nós senón que tamén nos acompañou nalgunhas das cancións que aprendimos coa profe María. 







Moitas grazas Antonio!!!







jueves, 22 de marzo de 2018

Ciencia e experimentos

Coa profe Eva estamos levando a cabo unha sesión semanal de ciencia e experimentos que...nos encanta!!
Aproveitando o traballo deste curso sobre Roma, fixemos un volcán, o Vesubio. Utilizamos varios ingredientes, entre eles vinagre e bicarbonato e apreciamos cómo se produce unha erupción volcánica. Non sei eu se será a única vez que o fagamos porque é algo moi divertido e impactante!!!


miércoles, 14 de febrero de 2018

Entroido


Celebramos o Entroido na escola combinando tradición, historia e modernidade. Falamos das figuras do Entroido tradicional galego, cumplimos os mandados romanos do Meco e viñemos disfrazados da casa cos nosos disfraces. Mirade...

Fomos Peliqueiros por un día e fixemos as máscaras desta figura do entroido de Laza, en Ourense.






Cumprimos cos mandados do Meco, moi romanizado este ano, ata convertirnos en auténtic@s emperatrices e emperadores romanos...


E o último día trouxemos os disfraces da casa para lucilos na escola.


A que estamos guap@s??



lunes, 29 de enero de 2018

Visita de Martin Hutchinson e Starsky



Martin Hutchinson acompañado do seu can Starky fixeron unha parada na nosa escola e continuarán a súa viaxe polo mundo transmitindo a súa mensaxe. Martin leva doce anos transmitindo a importancia do coidado do medio ambiente, concienciando á xente dos efectos nocivos da contaminación e amosando o dano que lle estamos facendo ao planeta. É especialmente sensible co impacto dos plásticos no medio marino. 
A educación e concienciación, especialmente dos máis pequenos, é fundamental e Martin coa súa bici e o seu fiel acompañante Starsky, camiña polo mundo altruistamente difundindo a súa mensaxe.
Dende a escola de Silvoso quixemos transmitirlle unha mensaxe de tranquilidade, convertíndonos na Patrulla dos Silvosiños, intentando cumplir e dar difusión a todo o que el contou.








 Un enorme pracer coñecervos!!!
Moita sorte na vosa andaina!!